HomeLabarai’Yan ta’adda sun guntule wa wani mutum hannu, sun sace shanu 300...

’Yan ta’adda sun guntule wa wani mutum hannu, sun sace shanu 300 a Zamfara

Date:

Related stories

Hukumar DSS ta kama wasu bata gari da ke sayar da sabbin takardun kudi na Naira

Ma’aikatar harkokin wajen kasar a ranar Litinin din nan...

Yadda lamari ya kasance yayin zuwan Buhari Kano don kaddamar da aiyuka 8

An tsauraran matakan tsaro a cikin birnin Kano da...

Najeriya ta yi asarar likitoci 2800 a cikin shekaru biyu – NARD

Shugaban kungiyar likitocin Najeriya NARD, Dr Innocent Orji ya...

Yadda ake canzar da kudin Sepa zuwa Naira a yau Litinin

Farashin Separ Nijar zuwa Naira a farashin kasuwar canjin...

’Yan bindiga sun guntule wa wani mutum hannu sannan suka sace shanu akalla 300 ranar Juma’a a  Karamar Hukumar Bukkuyum ta Jihar Zamfara.

Shaidu sun ce zugar maharan sun far wa garin Bukkuyun ne suna harbe-harbe, suka rika bi gida-gida suna yin awon gaba da shanu da kuma mutane.

Wani dan garin mai suna Babangida ya ce, “Sun yi awon gaba da mutane da dama, harin jami’an tsaro ya sa suka arce zuwa cikin daji.

“Ba a cika kawo wa garin Bukkuyum hari ba, amma mutanen yawancin kauyukan da ke yankin sun yi kaura saboda yawan hare-haren ta’addanci.

“Wadansu mutane da suka gudo daga kauyukansu zuwa nan ma na daga cikin wadanda ’yan ta’addan suka yi awon gaba da dabbobinsu.

“Maharan sun kuma shiga gida wani mai suna Inno, suka guntule hannunsa; an garzaya da shi asibiti, sai yanzu ya farfado bayan ya jima bai san inda yake ba.

“Wasu mutum biyu kuma da suka samu raunin harbi suna samun sauki, har yanzu muna kokarin gano iya barnar da suka yi mana,” in ji Babangida.

Bata-garin sun yi wannan aika-aika a garin Bukkuyum ne sa’o’i kadan bayan Gwamnatin Jihar Zamfara ta sanar da dokar hana fita a kananan hukumomomin Bukkuyum da Anka da Gummi.

Wakilinmu ya yi kokarin samun karin bayani daga kakakin Rundunar ’Yan Sandan Jihar Zamfara, SP Muhammad Shehu, amma ya kasa samun sa a waya, har aka kammala hada wannan rahoton.

A baya-bayan nan, an samu karuwar hare haren ’yan bindiga a yankin Bukkuyum, wanda ya sa mazauna  da dama yin kaura.

A ranar Laraba ta makon jiya, wasu mutum kimanin 20 suka rasu sakamakon kifewar kwale-kwalen da suka hau domin tsere wa harin ’yan ta’adda a yankin.

Subscribe

- Never miss a story with notifications

- Gain full access to our premium content

- Browse free from up to 5 devices at once

Latest stories