Bayern Munich za ta karbi bakuncin Manchester City a wasa na biyu a quarter finals a Champions League ranar Laraba.
Bayern na fatan kai wa zagayen daf da karshe, bayan da aka zura mata kwallo 3-0 a wasan farko ranar 12 ga watan Afirilu a Etihad.
Ga jerin wasu batutuwa biyar kan wasan:
1. Man City ta ci Bayern wasa hudu daga bakwai da suka karaÂ
Manchester City ta doke Bayern karo hudu, ita kuwa kungiyar Jamus ta yi nasara a karawa uku daga bakwai da suka fuskanci juna a Champions League.
Sai dai Bayern ta yi nasara a karawa shida daga bakwai a gida da ta fusaknci kungiyoyin Ingila, in banda a Maris din 2019 da Liverpool ta ci 3-1.
A kakar 2014/15 Porto ta doke Bayern 3-1 a wasan farko zagayen quarter finals, amma ta sharara 6-1 a karawa ta biyu a gida ta kai daf da karshe.
2. Bayern na taka rawar gani a gida
Bayern ta ci dukkan karawa hudu da ta yi a gida a bana ba tare da an zura mata kwallo ba a raga.
Tun daga kakar 2019/20, Bayern ta ci wasa 16 daga 18 a gida da ta fafata a gasar zakarun Turai.
3. An ci wasa 99 da Muller a Champions League a Bayern
Bayern Munich ta yi nasara a karawa 99 a Champions tare da Thomas Muller a wasa 141 da ya yi a gasar.
Cristiano Ronaldo ne kan gaba a wannan bajintar mai 115 a Manchester United da Real Madrid da kuma Juventus.
Na biyu shine Casillas mai 101 a Real Madrid da Porto, kenan Muller zai zama na uku, amma a kungiya daya.
Muller bai samu ya yi wannan bajintar a wasan farko a Etihad ba.
4. Rawar da Sane ya taka a Etihad
Leroy Sane yana da hannu a kai hari takwas daga 12 da Bayern ta yi a wasan farko a Etihad, ya buga biyar ta nufi raga, sannnan ya bayar da uku.
Tun daga kakar bara yana da hannu a sanadin cin kwallo 17, shine kan gaba a wannan kwazon tsakanin ‘yan wasan Bayern.
5. Wasa bakwai tsakanin Man City da Bayern Munich
- Man City 3 – 0 B Munich
Champions League Talata 25 ga watan Nuwambar 2014
- Man City 3 – 2 B Munich
Champions League Laraba 17 ga watan Satumbar 2014
- B Munich 1 – 0 Man City
Champions League Tu 10Dec 2013
- B Munich 2 – 3 Man City
Champions League We 02Oct 2013
- Man City 1 – 3 B Munich
Champions League We 07Dec 2011
- Man City 2 – 0 B Munich
Champions League Tu 27Sep 2011
- B Munich 2 – 0 Man City
Bayern ta kai zagayen gaba a wasa biyar daga shida da ta fuskanci kungiyoyin Ingila a ziri kwalle, in banda kakar 2018/19 a zagaye na biyu da Liverpool.
Bayern ta ci wasa hudu a jere a kan kungiyoyin Premier League, wasan farko da aka doke ta a karawa biyar da ta kai ziyara Ingila, wadda ta ci uku da canjaras daya.
Sai dai City ta ci wasa na 11 a jere a gida a kan kungiyoyin Jamus a Champions League da cin kwallo 42 -10.
