Wakilin jaridar leadership ya maka Ado Doguwa a kotu dalilin yi masa mahangurba

Wakilin jaridar LEADERSHIP, Abdullahi Yakubu, ya maka shugaban masu rinjaye na majalisar wakilai ta Kano, Alhassan Doguwa a gaban kotu bisa laifin cin zarafi a yayin wani taron manema labarai a ranar Talata.

A ranar Litinin din da ta gabata, Doguwa ya yi kokarin dukan mataimakin dan takarar gwamna na jam’iyyar APC, Murtala Garo, yayin wani taron jam’iyyar da ya gudana a gidan mataimakin gwamnan jihar, Nasir Gawuna.

A ranar Talatar da ta gabata, Doguwa ya caccaki Sakataren Yada Labarai na Jihar, Ahmad Aruwa, a gidan sa tare da yin barazanar hari kan tsohon sakataren gwamnatin jihar, Rabiu Bichi.