Jami’an rundunar hadin guiwa ta tsaro sun halaka ‘yan bindiga 20 tare da ceto wasu mutum 5 da aka yi garkuwa dasu yayin samamen da suka kai Gaskiya Bana, kauye mai iyaka da jihohin Niger da Kaduna a karamar hukumar Munya ta jihar Niger, jaridar The Nation ta ruwaito.
Wadanda aka yi garkuwa dasu din an gano sun kwashe wata daya a hannun ‘yan bindigan.
‘Yan bindigan an gano suna aiki ne da rikakken shugaban masu garkuwa da mutane, Alhaji Leyi, wanda ya kafa dabarsa kuma yake barna a Gaskiya Bana dake karamar hukumar Munya.
Aiki da dakarun suka yi ya kwashe sa’o’i biyar.
