Gwamnatin Kwara ta amince da tallafin karatu ga daliban Shari’a daban-daban a fadin jihar.
Hakan na kunshe ne cikin wata sanarwa da Sakatariyar Yada Labarai ta Ma’aikatar Ilimi ta Jami’ar, Misis Mansurat Amuda-kannike ta fitar ranar Laraba a Ilorin.
Ta ce Kwamishinan, Mista Afees Abolore ne ya tabbatar da hakan a lokacin da yake taya daliban da suka kammala makarantar koyon aikin lauya ta Najeriya murna bisa kiran da suka yi na wayar tarho da Gwamna AbdulRahman AbdulRazaq.
“Abolore ya nanata kudirin gwamnatin da AbdulRazaq ke jagoranta na ganin an kula da walwalar dalibai da fifiko.
“Wannan na zuwa ne yayin da ake ci gaba da raba kudaden tallafin ga daliban jihar Kwara.
“Ya kuma taya daliban da suka kammala karatu murnar samun nasarorin da suka samu, ya kuma umarce su da su kasance jakadu nagari na jihar a matakai daban-daban.
“Ya bada tabbacin cewa ma’aikatar tare da hadin gwiwar hukumar bayar da tallafin karatu ta jiha za su dauki mataki cikin gaggawa don ganin an bayar da kudaden ga wadanda suka amfana nan ba da jimawa ba.”
