Wata mata ‘yar shekara 43 mai suna Amy Anderson ta harbe kanta bayan ta kashe ‘yan sanda biyu a wani Motel 6 da ke Bay St. Louis, Mississippi, Amurka a ranar Laraba.
A cewar CBS, jami’an da aka kashe – Branden Estorffe da Steven Robin sun amsa kiran duba jindadin da aka yi wa sashen ‘yan sanda na Bay St. Louis da ke kan wani shingen babbar hanyar da ke birnin Gulf Coast.
Jami’an sun isa Motel 6 ne da misalin karfe 4:30 na safe agogon Amurka, inda suka ci karo da Anderson wanda ke zaune a cikin wata mota da aka ajiye tare da wata yarinya mace, kamar yadda rahoton ‘yan sandan ya bayyana.
Estorffe da Robin masu shekaru 23 da 34 sun shiga tattaunawa da matar na kusan mintuna 30 kuma daga baya suka kira sashen Kare Yara (DPS).
Jami’an da aka kashe sun hada da Branden Estorffe mai shekaru 23 da kuma Steven Robin mai shekaru 34, kamar yadda ma’aikatar kare lafiyar jama’a ta Mississippi ta tabbatar a wata sanarwa.
Anderson, daga cikin motar, ta harbe jami’an biyu kafin ta kashe kanta, a cewar Sashen Tsaron Jama’a na Mississippi. Robin ya mutu a wurin yayin da Estorffe ya mutu daga baya saboda raunin harsashi.
Da yake mayar da martani, Ofishin Bincike na Mississippi ya ce “a halin yanzu tana tantance wannan mummunan lamari tare da tattara shaidu.”
Gwamnan Mississipi Tate Reeves ya yi jawabi ga harbin a wani sako da aka raba a shafin Twitter.
“Da sanyin safiyar yau an harbe jami’an ‘yan sanda biyu na Bay St. Louis cikin ban tausayi tare da kashe su a bakin aiki,” Reeves ya rubuta.
“Na yi baƙin ciki da wannan mummunan rashi na jajirtattun jami’an tsaro biyu. Ina yi wa danginsu, abokansu, jami’ansu, da dukan al’ummar Bay St. Louis addu’a.
“Kowace rana guda a fadin Mississippi, membobinmu na tilasta bin doka suna sanya rayuwarsu akan layi akai-akai da sadaukarwa ga al’ummarsu.“
