Rahotanni sun bayya na wasu ‘yan bindiga da ba a tantance ba sun harbe Christopher Eleghu, dan takarar jam’iyyar Labour Party (LP) a mazabar jihar Imo ta jihar Imo.
Rahotanni sun bayyana cewa, wasu ‘yan bindiga dauke da makamai sun kona gidajen marigayi dan siyasar, wanda aka fi sani da “WASCO” a cikin abokan siyasar sa.
Bayan kashe mutumin ne suka kona gidansa da kayansa. “A lokacin da mazauna unguwar suka gano ya mutu da safe bayan harin, an tsinci gawarsa kwance a kasa da raunuka,” in ji wata majiya.
Kisan Eleghu na zuwa ne ‘yan makonni kadan bayan Chukwunonye Irouno, wani dan takarar jam’iyyar LP a shiyyar Okigwe da ke jihar ya mutu cikin wani yanayi na ban mamaki, inji rahoton The Nation.
Har yanzu rundunar ‘yan sandan jihar Imo ba ta fitar da wata sanarwa game da lamarin ba.
