Gabanin zaben 2023, babban hafsan sojin kasa, Laftanar Janar Faruk Yahaya ya bayyana cewa rundunar sojin Najeriya ta mayar da hankali wajen ganin ta cimma matsayar shugaba Muhamnadu Buhari na inganta harkar tsaro a kasar nan, domin shi (Buhari) ya samu nasarar mika al’umma ta gari ga magajinsa.
Da yake jawabi a wajen bikin yaye dalibai 231 da aka horar da su a karo na 2 na shirin ci gaban matasa na NAOWA a Abuja, COAS ya ce, “Yanzu harkar tsaro ta inganta kuma ba mu ja da baya. Umurnin tattakin, na mai girma shugaban kasa, shine mu inganta harkar tsaro domin ya mika al’ummar kasa mafi aminci.
“Don haka ne muke tafiya tare da sauran jami’an tsaro. Kuna iya ganin sakamakon kuma ba za a sami raguwa ba.
“Hade da kayan aiki da sauran makamai masu amfani da shugaban kasa ya bayar, da kuma jajircewar sojojin Najeriya musamman wanda nake ba da umarni, da hadin kan sauran hukumomin tsaro da hadin kan mutanen kirki na Najeriya wadanda a yanzu suke da hannu wajen bayar da tallafi. ingantattun bayanai, waɗanda ke da mahimmanci a cikin ayyukanmu, waɗannan ƙalubalen tsaro za su zama tarihi
Janar Yahaya ya yi nuni da cewa “tare da goyon bayan dukkan ‘yan Najeriya nagari masu kishin kasa, za mu ma inganta harkokin tsaro da kuma kafa hanyar gudanar da zaben 2023 cikin kwanciyar hankali da lumana, ya kara da cewa “muna nan kusa”.
