CBN ya tura wakilai 30,000 a fadin kasar domin inganta musanya kudi yayin da Buhari ya amince da tsawaita wa’adin karbar tsoffin kudi

Babban bankin Najeriya (CBN) ya tura manyan jami’ai 30,000 a fadin kasar domin bunkasa shirinsa na musanya kudade a yankunan karkara da yankunan da bankunan kasar ba su yi wadata  ba, kamar yadda ya bayyana amincewar shugaban kasa Muhammadu Buhari na tsawaita wa’adin.

Dawo da tsohon N200, N500 da N1,000 daga 31 ga Janairu, 2023, zuwa 10 ga Fabrairu, 2023
Ta kaddamar da manyan jami’ai 30,000 ne kuma domin tabbatar da cewa masu rauni da marasa karfi sun samu damar kai kudadensu zuwa bankuna kafin cikar wa’adin.

Har ila yau, babban bankin, bisa bin sashe na 20 (3) da na 22 na dokar CBN, ya kara bayar da wa’adin kwanaki bakwai daga ranar 10 ga watan Fabrairu zuwa 17 ga watan Fabrairu, inda ya baiwa ‘yan Nijeriya damar ajiye tsofaffin takardunsu na naira a bankin CBN bayan kammala wa’adin. Ranar ƙarshe na Fabrairu lokacin da tsohon kudin zai rasa matsayin sa a adokance.

Gwamnan babban bankin na CBN, Godwin Emefiele ne ya bayyana hakan a wata sanarwa da ya sanyawa hannu jiya.

Shima da yake zantawa da manema labarai a mahaifar shugaban kasa dake garin Daura a jihar Katsina a jiya, Emefiele ya ce karin wa’adin shi ne don baiwa ‘yan Najeriya daman samun nasarar canza kudadensu zuwa takardun kudi da aka sake gyara, da kuma rage  asarar da suke yi, musamman ma a yankunan karkara.

Sai dai a yayin da ‘yan majalisar marasa rinjaye a majalisar wakilai karkashin jagorancin Hon. Ndudi Elumelu, ya yabawa babban bankin na CBN bisa yadda ya saurari ‘yan Najeriya tare da kara wa’adin, shugaban kwamitin majalisar  kan sake tsara Naira da manufar musanya Naira, Hon. Alhassan Ado Doguwa, ya ki amincewa da karin wa’adin, yana mai jaddada cewa dole ne CBN ta bi sashe na 20, karamin sashe na 3, 4, da 5 na dokar CBN.

Sai dai wani tsohon mataimakin gwamnan jihar Legas, Alhaja Sinatu Ojikutu, ya yi kira ga shugaban kasa da kada ya fada cikin rudani da matsin lamba daga bangaren ‘yan siyasa kan matakin da ya dauka na sake fasalin kudin Naira, inda ya bayyana manufar a matsayin wata dabarar siyasa da za ta fallasa masu zagon kasa ga tattalin arzikin kasa da al’umma.