Hukumar yi wa kasa hidima ta kasa NYSC ta ce hukumar ta tura sama da mambobin ta 200,000 a matsayin ma’aikatan wucin gadi a babban zaben 2023.
Babban Daraktan hukumar, Birgediya Janar Yushau Dogara Ahmed ne ya bayyana hakan a wani taron manema labarai kan shirye-shiryen shirin na babban zabe mai zuwa a Abuja ranar laraba.
A cewar Ahmed, mambobin hukumar suna wakiltar sama da kashi 75 na ma’aikatan wucin gadi na INEC a zaben 2023.
Ya yi nuni da cewa tuni jami’an hukumar zabe mai zaman kanta ta kasa (INEC) suka horas da masu yiwa kasa hidimar da ake sa ran za su halarci zabukan.
Ahmed ya ce, “Masu hidimar kasar a shirye suke su sake yin hakan kamar yadda suka yi a baya, wadanda za su shiga wannan zabe an horar da su.
Shugaban hukumar ya kuma lura cewa hukumar NYSC ta samar da matakan tabbatar da tsaron ‘yan hidimar kasar a lokacin zabe da kuma bayan zabe.
Ahmed ya kara da cewa rundunar ta kuma gana da shugabannin jami’an tsaro domin tabbatar da an tabbatar da su, ya kara da cewa shirin ya kaddamar da cibiyar ‘Distress Call Centre’ a wani bangare na kokarin taimakawa wajen sanar da jami’an tsaro duk wani hadari.
“Abin da ke da mahimmanci a gare ni in faɗi shi ne tsaron waɗannan masu yiwa kasa hidima. Tunda na karbi mulki na gana da IG na ‘yan sanda da kuma DSS.
“Na gana da jami’an tsaron Najeriya da jami’an tsaron farin kaya; Ni ma na gana da INEC kuma kowane ya tabbatar min da hada karfi da karfe don tabbatar da cewa an tabbatar da lafiyar jami’an yiwa kasa hudima.
“Hukumar INEC ta ba mu tabbacin cewa za ta kai wadannan membobi zuwa wuraren aikinsu tare da dawo da su lafiya daga duk inda suka dauko su,” inji shi.
