Dubban mazauna birnin Dar es Salaam da ƙauyukan da ke zagaye da shi ne suka yi fitar ɗango a filin wasan kwallon ƙafa na ƙasar domin shaida musabaƙar karatun al-Ƙurani mai girma a ranar ta ƙarshe.
Gasar wadda ita ce ta 23, mutum 23 ne za su fafata a cikinta daga ƙasashe 23 na ciki da wajen nahiyar Afrika.
Cikin ƙasashen akwai na Gabashi da kuma Yammacin Afrika irinsu Najeriya
Karon farko cikin tarihin gasar za a samu masu fafatawa daga yankin Asia, daga ƙasashe irin su Saudiyya, da kuma wasu ƙasashen irinsu Amurka da Birtaniya.
Duk wanda ya yi nasara a gasar zai lashe kudin Tanzaniya miliyan 23 daidai da dalar Amurka dubu 10, kimanin naira miliyan miliyan bakwai da dari 400.
Na biyu kuma zuwa na biyar za su samu miliyan 15 zuwa miliyan hudu.
