Rahotanni daga kasar ciki harda Jaridar Daily Trust sun ruwaito cewar jami’an EFCC sun yi awon gaba da tsohon ministan ne yau laraba, kuma yanzu haka yana can yana amsa tambayoyi akan yadda wadannan makudan kudade suka salwanta.
Bayanai sun ce ana zargin Mamman ne da karkata naira biliyan 22 da aka ware domin aikin samar da wutar Zungeru da Mambilla wanda ake zargin ministan sun raba tare da wasu manyan jami’an ma’aikatar sa.
Majiyoyi sun ce jami’an EFCC sun yi nasarar gano wasu kadarori a Najeriya da kasashen ketare da ministan ya mallaka tare da wasu tarun kudade da suka kunshi nairori da dalolin Amurka.
Shugaban Najeriya Muhammadu Buhari ya nada Mamman a matsayin minista daga Jihar Taraba a shekarar 2021 da zummar ganin an gina tashar samar da wutar Mambilla amma kuma ya tube shi a watan Satumbar shekarar 2019 saboda rashin gamsuwa da aikinsa.
