Wani jirgin sama da ya taho da kasar Saudiyya ya tsallake rijiya da baya a filin jirgin saman Mallam Aminu Kano (MAKIA) bayan da ya samu rauni na inji a yammacin ranar Laraba.
Jirgin na kamfanin Max Air Limited mai lamba, Max B747-HMM yana dauke da kashin farko na maniyyata 554 daga Dutsen jihar Jigawa zuwa kasar Saudiyya domin gudanar da aikin hajjin shekarar 2023, inji rahoton Daily Trust .
Aminiya ta tattaro cewa jirgin kirar Boeing 747 da ya taso daga filin jirgin saman Dutse na jihar Jigawa ya dakatar da tafiya zuwa kasar Saudiyya a lokacin da walkiya ya same shi wanda ya shafi hancin jirgin.
Wata majiya a filin jirgin da ta nemi a sakaya sunanta ta ce jirgin na kan gyaran jiki sannan kuma ana tsare da mahajjatan a filin jirgin da misalin karfe 8 na daren Laraba.
Jirgin kirar Boeing 747 da ya taso daga filin tashi da saukar jiragen sama na Dutse da ke jihar Jigawa ya dakatar da tafiya zuwa kasar Saudiyya a lokacin da walkiya ya same shi wanda ya shafi hancin jirgin.
Wata majiya a filin tashi da saukar jiragen sama ta bayyana cewa, tawagar injiniyoyin kamfanin sun dukufa wajen ganin an dawo da lamarin, domin kuwa laifin ya shafa ne kawai da hancin jirgin.
“Eh gaskiya ne. Sun sauka a nan kuma kamar yadda nake magana da ku, injiniyoyi suna aiki don gyara jirgin. Ya ci gaba da gazawa a hancinsa. Wasu mahimman abubuwa sun ɓace yayin da wasu suka lalace ta hanyar wani abu da ba a sani ba tukuna.
“A yanzu haka suna cire wasu daga cikin abubuwan da suka lalace tare da maye gurbinsu da wasu,” in ji shi.
