An nada tsohon ministan yada labarai da al’adu, Lai Mohammed a matsayin babban abokin huldar kamfanin Ballard Partners, wani kamfani babban kamfani a duniya.
Hakan na zuwa ne kasa da mako biyu da rusa majalisar ministocin tsohon shugaban kasa Muhammadu Buhari.
An tabbatar da saban mikamin na Lai Mohammed a cikin wata sanarwa da aka raba a shafin Ballard Partner na Twitter ranar Talata.
 “Ballard Partners, daya daga cikin manyan kamfanonin hulda da gwamnati a Amurka, ya bude ofishinsa na farko a Afirka a Abuja, Najeriya, babban birnin kasar.
“Lai Mohammed, tsohon ministan yada labarai da al’adu na Najeriya, zai yi aiki a matsayin abokin gudanarwa na ofishin Abuja da ofishin tauraron dan adam na kamfanin a Legas, cibiyar hada-hadar kudi ta kasa.”
Shugaban kamfanin ya lura cewa an ba Mohammed mukamin ne saboda “yana daya daga cikin jami’ai da ake girmamawa a kasar”.
