Jam’iyyar adawa ta PDP mai fama da rikicin cikin gida ta dakatar da shugaban rikon ta na kasa Umar Damagum, da sakataren ta Samuel Anyanwu, akan zargin su da bijirewa umarnin jam’iyyar.
Tun da farko shugabancin Damagum, ne ya fitar da sanarwar dakatar da sakataren yada labarai na PDP Debo Olagunagba, da mai bawa jam’iyyar shawara akan harkokin shari’a Kamaldeen Ajibade, inda suka ce sun bijirewa umarnin PDP.
Haka ne yasa suma wadanda aka dakatar din fitar da wata sanarwar da sanyin safiyar yau juma’a cewa sun dakatar da Damagum da Anyanwu.
Karanta karin wasu labaran:PDP zata hukunta mininstan birnin tarayya Abuja Nyesom Wike
Daraktan yada labaran PDP na kasa shine ya sanar da batun dakatar da su Olagunagba Chinwe Nnorom.
Rikicin cikin gida dai ya mamaye jam’iyyar PDP, inda ake zargin hannun wasu yayan jam’iyyar da cin amanar ta, ta hanyar hada kai da jam’iyyar APC mai mulkin kasa, sakamakon cewa har mukami APC ta bawa wasu daga cikin yayan PDP.
Batun shirya babban taron jam’iyyar na kasa na daga cikin manyan abubuwan da suka kawo rashin jituwa tsakanin mambobin PDP.
