Hukumar kula da hasashen yanayin ta kasa tayi hasashen samun ruwan sama da tsawa a jihohin kasar nan daga ranar lahadi zuwa Talata
Hasashen hukumar NIMET, da ta fitar ranar asabar yace a ranar lahadi wasu bangarorin jihohin Gombe, Bauchi, Adamawa, da Taraba, zasu fuskanci matsakaicin ruwan sama da tsawa.
Haka zalika a mafi yawancin yankunan Adamawa, Kaduna, Sokoto, Bauchi, Gombe, Taraba, Kebbi, Katsina, Kano, Zamfara, Borno da Yobe suma za’a samu saukar ruwan.
Karanta karin wasu labaran:Ba’a san Fulani da tashin hankali ba—-Sarkin Zazzau
Sannan suma jihohin dake kusa da birnin tarayya Abuja da birnin na Abuja zasu samu saukar ruwan da sanyin safiya.
Yayin da a jihohin kudu da suka hadar da Oyo, Imo, Enugu, Ogun, Osun, Ondo, Edo, Delta, Rivers, Akwa Ibom, Cross River da Lagos, za’a samu yayyafi da tsawa.
