Gwamnatin Kano ta amince da biyan naira dubu 71 a matsayin mafi karancin albashi ga ma’ aikatan gwamnati.
Gwamna Abba Kabir Yusuf ne ya bayyana hakan a fadar gwamnatin Kano ranar Talata bayan ganawa da wakilan kungiyar kwadago.
Wata sanarwa da ya wallafa a shafinsa na X ta ce Karin zai fara aiki ne daga ranar 1 ga watan Nuwamban 2024.
Jihohin Legas da Rivers ne kan gaba a karin albashin wanda suka amince da naira dubu 85,000, sai Neja da zata biya naira dubu 80,000.
