Gwamnatin tarayya ta tabbatar da kokarin da take yi na ganin cewa an gyara wutar lantarkin arewa a cikin kankanin lokaci.
An samu bayanin hakan bayan da ministan lantarki Adebayo Adelabu, yace za’a kammala daukacin gyara wutar jihohin arewa 17 nan da kwanaki 13, wato a ranar 12 ga watan Nuwamba.
Hakan ya nuna cewa jihohin Arewa 17 zasu cigaba da zama a cikin duhu har zuwa 12 ga Nuwamba.
Adelabu, yana yin wannan bayani a lokacin da yake jawabi ga majalisar wakilai inda yace za’a yi kwarya kwaryar gyaran wutar nan da kwanaki uku.
