Shugaban Nigeria Bola Ahmed Tinubu, ya bayar da umarnin dage lokacin gudanar da taron majalisar zartarwa ta tarayya don nuna alhinin mutuwar babban hafsan sojojin kasar, Taoreed Lagbaja, daya mutu a daren jiya Talata yana da shekaru 56 a duniya.
Tinubu ya ce za’a sanar da wani lokacin na da ban don gudanar da taron.Lagbaja ya mutu a sakamakon rashin lafiyar da yayi fama da ita tsawon lokaci.
Kafin sanar da mutuwar Lagbaja, an shirya gabatar da taron majalisar a yau laraba.Lagbaja, ya kasance shugaban sojojin Nigeria a tsakanin 19 ga watan Yuni na shekarar 2023, zuwa 5 ga wata Nuwamba na shekarar 2024.
Mai taimakawa shugaban kasar a fannin yada labarai da tsare tsare Bayo Onanuga, ya sanar da cewa Tinubu, ya bayyana alhinin mutuwar babban hafsan sojojin, tare da yiwa iyalan sa ta’aziyyar rashin sa.
