Miji ya kashe matar sa saboda rikici akan dafa Doyar da zasu ci

Wani mutum yayi sanadiyyar mutuwar matar sa bayan da rikici ya shiga tsakanin su akan doya.

Lamarin ya faru a jihar Ebonyi, tsakanin mijin mai suna Joshua Nwafor, da mai dakin sa Charity.

:::Sai tsohon kayan mu ya kare zamu rage farashin fetur—IPMAN, NNPCL

Ma’auratan sun shafe akallla shekaru 17, a tare, wanda rabuwar su tazo ta hanyar kisa akan sabanin yadda za’a sarrafa doyar da mai gidan ya siyo.

Bisa ga yadda bayanai suka nuna Charity, tana son a soya doyar yayin da shi kuma Joshua, ke son a dafa ba tare da soyawa ba.

• Ana tsaka da yin hakan Ce-ce-ku-ce yayi kamari, har takai Joshua ya kulle Charity a ɗaki sannan ya yi mata dukan da yasa ta mutu.
• Kakakin rundunar ‘yansandan jihar, DSP Joshua Ukandu, ya tabbatar da faruwar lamarin, inda ya bayyana cewa za a gudanar da cikakken bincike tare da gurfanar da wanda ake zargi a gaban kotu.