Idan dai za a iya tunawa dai an bude cibiyar da misalin karfe 1 na ranar Lahadi sabanin karfe 12 na rana wanda shugaban INEC Farfesa Mahmood Yakubu ya sanar a ranar Asabar.
Shugaban INEC, Farfesa Yakubu, ya bayyana rashin samun sakamakon zaben shugaban kasa daga jihohi 36 na tarayya da babban birnin tarayya (Abuja) a matsayin dalilan dage bayyana sakamakon.
Yakubu ya ce da karfe 6 na yamma ana sa ran cewa wasu sakamakon za su isa cibiyar tattara bayanai ta kasa INEC domin sanar da su.
