Dan takarar shugaban kasa na jam’iyyar All Progressives Congress (APC) mai mulki, Asiwaju Bola Tinubu, ya kaddamar da matakin shari’a don hana yunkurin jam’iyyun adawa na dakatar da tattara sakamakon zaben shugaban kasa da aka gudanar ranar Asabar.
A ranar Talata ne dan takarar da jam’iyyarsa, suka shigar da kara domin hana jam’iyyar Labour da jam’iyyar People’s Democratic Party hana ci gaba da sanarwa da tattara sakamakon zaben.
An shigar da karar mai lamba FHC/KN/CS/43/2023 a gaban babbar kotun tarayya da ke Kano.
Jam’iyyar Action Alliance da Hukumar Zabe Mai Zaman Kanta ta Kasa sun hade ne a matsayin wadanda ake tuhuma yayin da dan takarar mataimakin shugaban kasa na jam’iyyar APC, Kashim Shettima, shi ma aka sanya shi a matsayin mai shigar da kara.
Kamar yadda Aminiya ta ruwaito, masu shigar da kara a cikin wata bukata da suka gabatar tare da sammacin da aka gabatar sun bukaci kotun da ta bayar da umarnin hana wadanda ake kara dakatar da tattarawa da bayyana sakamakon zaben.
