Jam’iyyar PDP ta fitar da sanarwar sake kai hare-hare da wasu da ake zargin makiyaya ne a Benue.
Shugaban riko na jihar Isaac Mffo ne ya bayyana hakan a wani taron manema labarai a Makurdi, babban birnin jihar.
Mffo ya koka da cewa sabbin hare-haren da aka kai a yankunan karkara ya yi sanadiyar asarar rayuka da lalata gonaki da kuma raba mutane da gidajensu.
Dan siyasar ya ce idan ba a dakatar da shi ba, lamarin zai kara tabarbare matsalar karancin fitowar masu kada kuri’a a zaben jihar da za a yi a ranar 11 ga watan Maris.
“Muna kira ga jam’iyyar All Progressives Congress (APC) da ke mulkin kasarnan da ta tashi tsaye wajen sauke nauyin da ke kanta,” in ji shi.
PDP ta yi kira da a tura jami’an tsaro domin kare ‘yan kasa “daga makiyayan da suka dade suna ta’addanci a jihar”.
Sannan kuma Mffo ya sanar da matakin da jam’iyyar PDP ta dauka na kalubalantar sakamakon zaben shugaban kasa da na ‘yan majalisun tarayya.
