Akalla Sojoji Nijar 7 ne suka gamu da ajalinsu bayan da motarsu ta taka wata nakiya da aka binne a yankin Tillaberi da ke yammacin jamhuriyar kasar.
Wata sanarwa da rundunar sojin Nijar ta fitar na nuna cewa motar na dauke da kayayyakin da ake isar wa sojoji na mako-mako ne kafin ta afkawa nakiyar da aka binne da sanyin safiyar a kusa da kauyen Samira.
Kauyen da ke iyakar Nijar da Burkina Faso a kudu maso yammacin kasar, shine yanki daya tilp da gwamnati ke hakar zinare tun a shekara ta 2004.
Wannan harin dai shi ne na baya bayan nan a jerin hare-haren da aka kai wa sojojin Nijar.
Kasar dake yankin Sahel na fama da hare-haren daga masu ikirarin jihadi dake da alaka da Al-Qaeda da kungiyar IS, sai kuma a yankin Kudu maso Yamma kuma take fama da mayakan Boko Haram.
