Tsohon gwamnan jihar Sokoto Attahiru Bafarawa ya fice daga Jam’iyyar PDP.
Bafarawa ya sanar da ficewar tasa a yau Talata, cikin wata wasikar da ya aikewa Shugaban Jam’iyyar PDP na ƙasa.
Bafarawa, yace zai mayar da hankali wajen inganta rayuwar al’umma, musamman a yanzu da arewa ke bukatar jajirtattun mutane don magance kalubalen da yanke ke ciki.
Zuwa yanzu dai tsohon gwamnan na Sokoto, bai sanar da komawa wata jam’iyyar siyasa ba.
