Kakakin majalisar dokokin jihar Taraba Farfesa Joseph Aibasu Kunini ya yi murabus bisa dalilansa na kashin kansa. Sanarwar murabus din nasa na kunshe ne a cikin wata wasika da aka aika wa ‘yan majalisar a ranar Larabar da ta gabata, kuma mataimakin shugaban majalisar, Hammanadama Ibn-Abdullahi wanda ya tsaya a matsayin mai goyon bayan dan majalisa a zaman majalisar ne ya karanta.
A cikin wasikar murabus din da Aminiya ta gani, mai kwanan wata 21 ga Disamba, 2022, ta ce, “Na rubuto ne domin in mika takardar murabus a matsayina na kakakin majalisar dokokin jihar Taraba.
“Na yi murabus ne bisa dalilai na kaina. Ina yiwa Hon. Membobi saboda goyon bayansu da hadin kai a lokacin da na zama shugaban wannan majalisa mai girma.”
Sai dai an tattaro cewa majalisar dokokin Taraba ta zabi sabon kakakin jim kadan bayan murabus din Kunini.
A saboda wannan lamari da ya faru, aka kira zama na gaggawa don a nada sabon shugaban majalisar tare da ‘yan majalisar gaba daya suka zabi John Kizito Bonzena a matsayin sabon shugaban majalisar.
Kafin a zabe shi a matsayin sabon kakakin majalisar, Bonzena shi ne babban mai gabatar da kara a majalisar kuma yana wakiltar karamar hukumar Zing ta jihar.
