Wani dan sanda ya harbe abokin aikinsa a jihar Abia da ke kudu maso gabashin Najeriya bayan wata gardama.
Kakakin rundunar ‘yan sandan jihar, Godfrey Ogbonna, wanda ya tabbatar wa manema labarai kisan ranar Litinin a Umuahia, ya ce lamarin ya faru ne a ranar Asabar.
Ya bayyana jami’in da aka kashe a matsayin Samuel Ugor, wani sifeto.
Dukkan jami’an biyu suna tare da dan majalisa mai wakiltar mazabar Isiala Ngwa ta Kudu a majalisar dokokin Abia, Ginger Onwusibe, kamar yadda kamfanin dillancin labarai na Najeriya (NAN) ya ruwaito.
‘Yan sandan ba su ambaci suna ko matsayin dayan jami’in ba. Har ila yau, ba su bayar da cikakken bayani kan hujjar da ta kai ga kisan ba.
Mista Ogbonna, Sufeto na ‘yan sanda, ya ce an shigar da dan sandan da ya yi kuskure a hannun ‘yan sanda, yayin da aka ajiye gawar marigayin a dakin ajiyar gawa.
‘Yan sanda na binciken lamarin, in ji shi.”Sungiyar SCID na binciken al’amarin don gano abubuwan da suka haifar da lamarin,” in ji shi.
Kakakin ‘yan sandan ya bayyana lamarin a matsayin abin takaici kuma abin zargi ne, sannan ya kara da cewa ‘’yan sandan sun fito ne daga SPU Base 15, Anambra, amma an sanya su ga dan majalisar.
