HomeLabaraiMinistan harkokin wajen Mali ya zargi Faransa da yin leken asiri

Ministan harkokin wajen Mali ya zargi Faransa da yin leken asiri

Date:

Related stories

Sarkin Dutse Nuhu Sunusi ya rasu

Allah ya yi wa Sarkin Dutse Alhaji Dr. Nuhu...

Shin ko kunsan tsibirin da aka hana kowa zuwa a duniya ?

Shi wannan guri Mai suna North Sentinel Island an...

Mayakan ISWAP sun raba wa fasinjoji dubu dari-dari

Mayakan ISWAP sun rarraba wa fasinjoji da dama Naira...

Ya kamata mutane su yi amfani da kwanaki 10 wajen mayar da tsofaffin kudin su banki – Sanusi

Sarkin Kano murabus kuma Khalifan Tijaniyya, Sanusi Lamido Sanusi,...

‘Yan sanda sun bankado maboyar ‘yan bindiga, sun cafke mutum 6 a Nasarawa

Rundunar ‘yansandan Jihar Nasarawa ta ce ta kai farmaki...

Ministan harkokin wajen Mali ya ce gwamnatin sojan kasar za ta yi amfani da ‘yancinta na kare kanta idan Faransa ta ci gaba da zagon kasa ga ‘yancin kai da tsaron kasar.

Da yake magana a wani taron kwamitin sulhu na Majalisar Dinkin Duniya kan kasar Mali a birnin New York, minista Abdoulaye Diop ya sake nanata zargin cewa Faransa ta keta sararin samaniyarta tare da kai makamai ga mayakan Islama da ke kai hare-hare a arewacin Mali shekaru goma da suka gabata.

Faransa ta musanta hakan.

Dangantakar ta da kasar Mali ta yi tsami ne tun bayan juyin mulkin da aka yi a watan Agustan shekarar 2020, kuma tana janye sojojin da aka aika a shekarar 2013 domin taimakawa wajen yakar ‘yan tawaye.

“Akwai bukatar gudanar da wani taro na musamman na komitin sulhu wanda zai ba mu damar fito da wasu hujjoji dangane da wasu abubuwa na ban mamaki, ayyukan leken asiri da kuma tada zaune tsaye da Faransa ke yi,” in ji Diop.

Ya kara da cewa “Gwamnatin Mali na da hakkin yin amfani da ‘yancinta na kare kanta…idan Faransa ta ci gaba da zagon kasa ga ‘yancin kan kasarmu da kuma lalata yankinta da tsaronta.”

Wakilin Faransa a Majalisar Dinkin Duniya ya yi Allah wadai da wannan zargi da cewa cin mutunci ne, ya kuma kare tsoma bakin Faransa a Mali a matsayin gaskiya, sannan ya ce kasar ba ta taba keta sararin samaniyar Mali ba.

Subscribe

- Never miss a story with notifications

- Gain full access to our premium content

- Browse free from up to 5 devices at once

Latest stories