Chanjin kudi: Farashin kayan abinci ya fadi warwas a kasuwannin Katsina

Farashin buhun dawa kudi kasa ya dawo naira dubu sha biyu N12,000, yayin da waken soya kudi kasa ya dawo N21,000 a kasuwar Talata ta Faskari.

Kasuwar garin Faskari, jihar Katsina dake ci duk irin wannan rana ta Talata, farashin buhunan hatsi ya fadi kasa warwas sakamakon babu garin kudade a hannun yan kasuwa da masu saye.

Hakan ya sa farashin buhun kayan hatsi na abinci ya dare zuwa gida biyu a kasuwar, inda farashin sayen buhuna ga mai bukatar a yi masa taransifar banki ya fi yin sama, a inda farashin kudin buhunan ga mai son kudi kasa ya fadi kasa warwas sakamakon babu garin kudaden a hannun yan kasuwar da suka zo cin kasuwar a yau.

A wasu buhunan ana samun rangwamen har kusan dubu shida ga duk buhu daya, ga wanda yake son a saya a biya shi da garin kudi.

Misali an sayar da

A takaice dai ga yadda farashin buhunan hatsin ya kasance a yau Talata;

Buhun Waken soya taransifa N27,000, kudi kasa N21,000

Buhun dawa taransifa N15,000, kudi kasa N11,000 zuwa N12,000

Buhun Masara taransifa N17,000, kudi hannu N14,000

Buhun Dauro N20,000

Farin wake taransifa N27,000, kudi hannu N24,000

Katsina Post