A ci gaba da kokarin tabbatar da cewa bankunan kasuwanci sun bi umarnin babban bankin Najeriya game da rabon kudaden Naira da aka yi wa gyaran fuska, jami’an hukumar yaki da cin hanci da rashawa da sauran laifuffuka masu alaka da su a makon jiya Juma’a, sun gano wasu makudan kudade har Naira miliyan 258 da aka boye a banki. A ma’ajiyar da ke babban ofishin bankin Sterling da ke Abuja, inji rahoton The PUNCH.
Wannan binciken ya biyo bayan daya daga cikin ayyukan hukumar na tabbatar da cewa bankunan kasuwanci da sauran bankuna ba su karya umarnin babban bankin ba.
Kakakin hukumar da ke yaki da masu yiwa tattalin arzikin kasa zagon kasa, Mrs Azuka Ogugua, ta bayyana hakan a wata sanarwa da wakilinmu ya samu a daren ranar Talata.
Ogugua ya bayyana cewa, a lokacin da tawagar sa ido ta ICPC ta ziyarci bankin inda suka gano wasu makudan kudi na Naira a cikin ma’ajiyar bankin, an sanar da su cewa kudaden ne ragowar abin da CBN ya baiwa bankin domin rabawa rassansa.
“Sai dai rundunar ta gano cewa Naira miliyan 5 ne kowannen su ya raba wa rassan su daban-daban.
“An kama dukkan shugabannin bankin da na Sabis kuma daga baya aka ba da belin su yayin da ake ci gaba da bincike,” in ji ta.
