Wannan na kunshe ne a cikin rahoton wata wata na watan Afrilu da kungiyar kasashe masu arzikin danyen mai  ta fitar a karshen makon da ya gabata.
Najeriya ta yi asarar gangunan danyen mai dubu 270 a watan Maris, kamar yadda alkalumman kungiyar OPEC din suka nuna.
OPEC ta ce gaba daya, mamboninta 13 na samar da gangunan mai miliyan 28 da dubu 60 a kowace rana a cikin watan da aka yi la’akari da shi wajen yin wannan rahoto.
Ta ce an samu karuwar danyen man da ake samarwa a Sudiyya, Angola da Iran, a yayin da aka samu akasin haka a Iraq da Najeriya.
