Shugaban Amurka Joe Biden da sabon Firaministan Burtaniya Rishi Sunak sun amince a tattaunawar jiya Talata don yin aiki tare don tallafawa Ukraine.
Sun yi magana a karon farko sa’o’i bayan Sunak ya zama Firaminista na uku na Burtaniya a wannan shekara, wanda ya gaji rikicin tattalin arziki bayan murabus din Liz Truss bayan wa’adin kwanaki 49 kawai.
Shugabannin biyu sun kuma jaddada “dangantaka ta musamman” da ke tsakanin Amurka da Biritaniya, kuma sun ce za su yi aiki tare don ciyar da harkokin tsaro da wadata a duniya gaba, in ji fadar White House a jawabin da aka yi a tattaunawar.
Sanarwar ta ce, “shugabannin sun amince da muhimmancin yin aiki tare don tallafawa Ukraine da kuma dorawa Rasha alhakin ta’asar da ta yi,” in ji sanarwar game da yakin da Rasha ta mamaye makwabciyarta mai goyon bayan kasashen yamma a watan Fabrairu.
